सरकार भूमि सम्बन्धी समस्या समाधान गर्ने दिशामा अघि बढेको मन्त्ती अधिकारीको भनाई

पाथीभरा डेस्क
आइतबार श्रावण २७, २०८१ १८:२५:००

२७ साउन गौरादह ।भूमि व्यवस्था, सहकारी तथा गरिबी निवारण मन्त्री बलराम अधिकारीले भूमि सम्बन्धी समस्या समाधान गर्ने दिशामा सरकार अघि बढेको बताउनुभएको छ । उहाँले जग्गा भोगचलन गरे पनि धनिपुर्जा नहुनेलाई सरकारले जग्गा मालिक बनाउने अभियानमा रहेको बताउनुभयो ।
झापाको गौरादह ४ र ५ को जग्गा दर्ता समितिको शुभारम्भ कार्यक्रममा उहाँले अव्यवस्थित बसोबासका समस्याहरूलाई समाधान गर्दै लैजाने बताउनुभयो । गौरादहको साविक महारानीझोडाको समस्या समाधानका लागि सरकारले गठन आदेश मार्फत समिति बनाएको र त्यसैले धनिपुर्जा वितरण गर्ने उहाँले बताउनुभयो । जग्गाको भोगअधिकार नहुँदा बैङ्किङ सहितको काममा समस्या पर्ने गरेको र त्यसको गाँठो समितिले फुकाउने उहाँले बताउनुभयो ।
झापामा पुरानो नापीका आधारमा ५ हजार ५ सय जग्गाधनीहरू नक्सा सहितको धनिपुर्जाबाट बञ्चित छन् ।